“Fransiya Yamanda xalqaro qonunlarni buzyapti”

Xalqaro amnistiya tashkiloti o‘tkazgan surishtiruvda ma’lum bo‘lishicha, Fransiya xalqaro qonunlarni buzgan holda Yamandagi urushga qo‘shilgan Saudiya Arabistoni va Birlashgan Arab Amirliklariga qurol yetkazib bermoqda.

Shuningdek, tashkilot Fransiyani saudiyalik askarlarni harbiy tayyorgarlikdan o‘tkazishda va ularga moddiy yordam berishda aybladi. Aytilishicha, mashg‘ulotlar Fransiyaning shimoli-sharqidagi Kommersi shaharchasida joylashgan lagerda bo‘lib o‘tmoqda.

Ba’zi fransuz deputatlar bunday lagerlarning soliq to‘lovchilar hisobidan faoliyat ko‘rsatishiga norozilik bildirgan. Xalqaro amnistiya tashkiloti surishiruvidan keyin petisiya boshlanib, Fransiya hukumatidan xorijga sotilayotgan qurollar borasida shaffof bo‘lish talab qilindi.