Farg‘onadagi musobaqada sportchilar o‘rtasida mushtlashuv sodir bo‘ldi

Farg‘ona viloyati IIB viloyatda o‘tkazilgan musobaqada sportchilar o‘rtasidagi sodir bo‘lgan mushtlashuv yuzasidan bayonot berdi.

Xabarda yozilishicha, 14-fevral kuni Farg‘ona ixtisoslashtirilgan “Olimpiya zaxiralari” maktab internatida o‘tkazilayotgan sport musobaqasida 18 yoshli J.X., va 20 yoshli T.K. lar o‘zaro janjallashishgan. Buning oqibatida J.X. tan jarohati olib, Respublika shoshilinch tez tibbiy yordam ilmiy markazi Farg‘ona filialiga murojaat qilgan.

Dastlabki tibbiy ma’lumotnomaga ko‘ra, fuqaro J.X. bosh qismidan yengil tan jarohat olganligi ko‘rsatilgan.

Mazkur holat yuzasidan tergovga kadar tekshiruv harakatlari olib borilmoqda.

Xabarda janjal kelib chiqishining sabablari o‘rganilib, tafsilotlari xabar qilinishi qo‘shimcha qilingan.