Farg‘ona viloyatida jinoyat sodir etib, qidiruvda bo‘lgan shaxs ushlandi. Bu haqda viloyat IIB xabar berdi.
Ma’lum qilinishicha, Farg‘ona viloyati Ichki ishlar boshqarmasi post-patrul xizmati va JTSB 1-Mintaqaviy hudud 1-otryad xodimlari Jinoyat kodeksining 168-moddasi 1-qismida (firibgarlik) ko‘rsatilgan jinoyatni sodir etib, qidiruv e’lon qilingan D.I.ni qo‘lga oldi.
“Qidiruvdagi shaxslar haqida biror ma’lumotga ega bo‘lsangiz, yaqin oradagi ichki ishlar bo‘limlariga xabar bering. Shaxsingiz sir saqlanishi ta’minlanadi”, — deya murojaat qilgan viloyat IIB.