Tojikiston va Falastin terma jamoalari o‘rtasidagi o‘rtoqlik uchrashuvi yakunlandi. Xitoyning Chunsin shahridagi "Tongliang Long" stadionida o‘tgan bahsda Falastin terma jamoasi 4:2 hisobida g‘alaba qozondi.
12-daqiqada Sheriddin Boboyev hisobni ochib, Tojikistonni oldinga olib chiqdi. 23-daqiqada Assad Al-Hamlavi javob golini urdi.
Oradan bir daqiqa o‘tib, Nozim Bobojonov Tojikistonning ikkinchi goliga mualliflik qildi. Biroq birinchi bo‘limga qo‘shib berilgan uchinchi daqiqada Al-Hamlavi dubl qayd etib, hisobni yana tenglashtirdi — 2:2.
Ikkinchi bo‘lim boshlanishi bilan, 46-daqiqada Hassan Alaa Aldin Falastinni birinchi bor oldinga olib chiqdi. 74-daqiqada esa Oday Dabbag‘ jamoasining to‘rtinchi golini urdi va yakuniy hisobni o‘rnatdi — 4:2.
Eron ustidan g‘alaba O‘zbekistonni FIFA reytingida yuqoriga ko‘tardi
O‘zbekiston terma jamoasi a’zosi legionerga aylanishi mumkin
"Oltin to‘p" uchun ovoz berish yakunlandi
