Turkiya Respublikasi Prezidenti huzuridagi Kommunikasiya Boshqarmasining boshlig‘i Professor Fahrettin Altun G‘azodagi mojarolar haqida fikr bildirdi.
"Bugun insoniyat tarixidagi eng zulmatli sahifalar yozilmoqda!
Isroil hukumati G‘azoni vayron qilish va uni millionlab falastinliklar yashashi uchun yaroqsiz joyga aylantirish bo‘yicha operasiya boshlaganiga bir yil bo‘ldi.
Ular sodir etgan jirkanch jinoyatlar 50 mingdan ortiq o‘limga olib keldi, yana ko‘p odamlar yarador bo‘ldi va ko‘chirildi.
Isroil o‘z ishg‘olining bir necha o‘n yillar davomida tobora kengayib borayotganini isbotladi. Isroil hukumatiga qarshi Hamas harakatining 7 oktyabrdagi hujumlarini o‘z ishg‘oli va etnik tozalashni to‘liq genosidga aylantirish uchun bahona sifatida ishlatdi.
O‘tgan yili tasavvur qilib bo‘lmaydigan dahshatlarni boshidan kechirgan falastinlik birodar va opa-singillarimizni chin dildan duo qilib qolaman.
Dunyoning ko‘p qismi tarixning bu dahshatli bobini shunchaki tomosha qilishni tanladi, chunki Isroil urush jinoyatlarining homiylari har qanday imkoniyatda Isroil hukumatini uyalmasdan himoya qilishdi.
Biz Turkiya sifatida jim turmaymiz va bu vayronkorlikni to‘xtatish uchun qo‘limizdan kelganini qilamiz. Biz Isroil hukumatini Falastin, Livan va undan tashqarida sodir etgan jinoyatlari uchun javobgarlikka tortish uchun barcha diplomatik va qonuniy yo‘llarni ishga solamiz.
Yana bir bor falastinlik birodarlarimiz va opa-singillarimiz o‘tgan yil davomida butunlay vayronagarchilikka va butunlay yo‘q qilinishga duchor bo‘lishdi, biz ular uchun doimo duo qilamiz va ularni hech qachon yolg‘iz qoldirmaymiz. Falastin ozod bo‘ladi!", deb yozadi Altun.
Eron zarbasidan keyin Isroil havo kuchlari bazasining sun’iy yo‘ldosh tasvirlari e’lon qilindi
Ukrainaga «Barcha bombalarning otasi» tashlandi
Rossiya elchisi qo‘rqib ketdi
