O‘zbekiston milliy terma jamoasi bosh murabbiyi Fabio Kannavaro poytaxtimizdagi Milliy futbol markazida tashkil etilgan matbuot anjumanida bir oydan so‘ng start oladigan Jahon chempionati oldidan o‘z mulohazalarini bildirdi.
Tajribali mutaxassis bo‘lajak nufuzli turnirda g‘oliblik uchun asosiy da’vogar bo‘lgan beshta terma jamoa nomini aytib o‘tdi. Kannavaroning ta’kidlashicha, Fransiya terma jamoasi 2026-yilgi Jahon chempionatida zafar quchish uchun eng yuqori imkoniyatga ega.
— Men uchun mundialning asosiy favoritlaridan biri — Fransiya terma jamoasidir, — dedi Fabio Kannavaro. — Shuningdek, ikkita teng kuchli tarkibni shakllantirishga qodir bo‘lgan Portugaliya ham g‘oliblikka jiddiy da’vogar hisoblanadi. Janubiy Amerika vakillari — Argentina va Braziliyaning imkoniyatlarini ham yuqori baholayman. Bundan tashqari, Angliya terma jamoasi ayni paytda juda kuchli tarkibga ega.
Ta’kidlash joizki, mutaxassis tomonidan e’tirof etilgan Portugaliya terma jamoasi bo‘lajak Jahon chempionatining guruh bosqichida O‘zbekiston milliy terma jamoasi bilan bir guruhdan joy olgan.
Bahodir Jalolov professional boksdagi 18-g‘alabasini tantana qildi (VIDEO)
Messi o‘ziga o‘xshagan eng iqtidorli yosh futbolchi kimligini aytdi
«Real»da «tozalash» ishlari: Faqat 5 futbolchi «dahlsiz»
