Bugun 1 fevral, 2023 yil, chorshanba

КИР

Evropaning bir qator davlatlari Rossiyadan importni oshirdi

Evropaning bir qator davlatlari Rossiyadan importni oshirdi

Avgust oyida Portugaliyaga Rossiya tovarlari eksporti qariyb o‘n baravarga, Fransiyaga to‘rtdan biriga ko‘paydi va Germaniya asosiy importchilar ro‘yxatida birinchi o‘rinni qaytarib oldi. Bu haqda RIA Novosti Yevropa Ittifoqi davlatlari milliy statistika departamentlari ma’lumotlarini tahlil qilib, xabar berdi.

Ma’lumotlarga ko‘ra, fevral oyida Fransiyada Rossiyadan import hajmi 1,8 milliard yevroga teng edi, lekin keyin besh oy davomida kamaydi. Biroq avgust oyida bu ko‘rsatkich har oyda 25 foizga oshib, 1,1 milliard yevroga yetdi.

Boshqa Yevropa davlatlari ham Rossiyadan xaridlarni ko‘paytirgan, ayniqsa, Portugaliya birdan 9,4 baravarga oshirib, 79 million yevroga yetkazdi. Bundan tashqari, Latviya (44 foiz), Avstriya (27 foiz), Ispaniya (27 foiz), Gresiya (15 foiz) va Slovakiya (6 foiz) Rossiya tovarlari importini oshirdi.

Biroq, Rossiya mahsulotlarini import qilish hajmini kamaytirganlar ham bor. Bular Sloveniya (-60 foiz) va Irlandiya (-63 foiz).

Avgust oyida Germaniya Rossiya tovarlarining asosiy importchisi unvonini qaytardi, iyul oyida Italiyad undan o‘tib ketgandi. Germaniyaning Rossiyadan importi 2,7 milliard yevroga ko‘tarildi, Italiyada bu ko‘rsatkich 2 mlrdga teng. Uchinchi o‘rinda bir yarim milliard yevrolik import bilan Niderlandiya joylashgan.

Avgust oyida beshta davlat Rossiyaga eksport hajmini oshirdi. Bu ko‘rsatkich eng ko‘p Kiprda - 6,7 barobar oshdi. Vengriya 23 foiz, Belgiya 19 foiz va Germaniya 13 foiz ko‘paytirdi. Litva Rossiyaga mahsulot yetkazib berishni ikki foizga oshirdi va fevraldan beri maksimal 292 million yevroga yetkazdi. RFga eksportni eng ko‘p Shvesiya (-40 foiz), Irlandiya va Ispaniya (ikkalasi -39 foiz) kamaytirdi.

Germaniya va Italiya Rossiyaga tovarlarning asosiy yetkazib beruvchilari bo‘lib qolmoqda: Germaniya eksporti avgust oyida 1,15 milliard yevroga, Italiya – 462 million yevroga yetdi. Kuchli uchlikni 342 mln yevrolik mahsulot yetkazib bergan Polsha yakunladi.

Ukrainada Rossiya harbiy maxsus operasiyasi boshlanganidan so‘ng, G‘arb davlatlari Moskvaga nisbatan sanksiyalar bosimini kuchaytirdi, ammo bu AQSh va Yevropaning o‘zida yoqilg‘i narxining oshishiga va rekord darajadagi inflyasiyaga olib keldi. Prezident Vladimir Putin Rossiyani jilovlash va zaiflashtirish siyosati G‘arb uchun uzoq muddatli strategiya ekanini, ammo sanksiyalar butun jahon iqtisodiyotiga qattiq zarba berganini ta’kidladi. Uning so‘zlariga ko‘ra, AQSh va uning ittifoqchilarining asosiy maqsadi millionlab odamlar hayotini yomonlashtirishdir.

Kiritildi: 17:51 06.12.2022. O'qildi: 4378 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!