Evropa Ukrainani AQShsiz qurol bilan ta’minlay olmaydi

Yevropa davlatlarining birlashishi, “xohlaganlar koalisiyasi” AQSh ishtirokisiz Ukrainani zarur qurollar bilan ta’minlay olmaydi.

Bu haqda Amerikaning New York Times gazetasi xabar bermoqda.

"Evropa yetakchilari Ukrainani zarur qurol-aslaha bilan ta’minlay olmasliklaridan xavotirda. Hozircha ular to‘g‘ri bo‘lganga o‘xshaydi. Ukrainani qo‘llab-quvvatlayotgan Yevropa davlatlarining "xohishdagilar koalisiyasi" jang maydoniga harbiy texnika va resurslarni olib kirishda qiynalmoqda Tramp Yevropa Ukraina xavfsizligini ko‘proq zimmasiga yuklashi kerakligini aytgan."

Nashrning qayd etishicha, Ukrainani harbiy texnika bilan ta’minlashdagi qiyinchiliklar ayni paytda Yevropa o‘z arsenallarini to‘ldirishga majbur bo‘layotgani bilan bog‘liq. Qirollik Birlashgan Xizmatlar Instituti harbiy fanlar bo‘yicha direktori Metyu Savil nashrga ta’kidlaganidek, gap shundaki, Yevropa davlatlari AQShning Kiyevga harbiy yordamini qisqa muddatda to‘liq almashtira olmaydi, lekin Yevropada shunday istak bo‘lsa, o‘rta yoki uzoq muddatda buni amalga oshirishi mumkin.

Shu bilan birga, zaruriy qurol-yarog‘ ta’minoti bo‘lmasa, Ukraina chekinishda davom etadi, deb hisoblaydi nashr muallifi.