Evropa mamlakatlari ommaviy migrasiya tufayli jahannam tomon ketmoqda

AQSh prezidenti Donald Trampning BMT Bosh Assambleyasidagi nutqi boshlandi va u bayonot bermoqda.

◾️ Yevropani noqonuniy migrantlar to‘lqini qamrab oldi va buni to‘xtatish uchun hech kim hech narsa qilmayapti. Londonda juda yomon mer bor. Shahar judayam o‘zgardi. Ular shariat qonunlarini joriy etishni istashmoqda;

◾️ Migrantlar bizning yaxshiliklarimizga o‘ldirish va zo‘ravonlik bilan javob berishmoqda. Har bir mamlakat o‘z chegaralarini himoya qilish, o‘z madaniyatiga ega bo‘lish huquqiga ega bo‘lishi kerak;

◾️ Nasroniylik eng ko‘p ta’qib etiladigan dinlardan biri. Nasroniylarni va G‘arbning o‘ziga xos qadriyatlarini himoya qilaylik;

◾️ So‘z va fikr erkinligi hamda diniy erkinlikni himoya qilishimiz zarur;

◾️ Iqlim o‘zgarishi haqidagi da’volar “barcha davrlardagi eng katta yolg‘on”. Uglerod izi — bu yomon niyatli odamlar tomonidan o‘ylab topilgan afsona, ular insoniyatni to‘liq yo‘q qilish yo‘lidan bormoqda;

◾️ Energetika muammolari va nazoratsiz migrasiya tufayli Yevropaning barbod bo‘layotganini ko‘rish men uchun og‘riqli;

◾️ Biz “yashil energetika” nomli afsonani bekor qilayapmiz. U haddan tashqari qimmat va mamlakatni energiya bilan ta’minlashga qodir emas;

◾️ Yevropa havoni toza qilish uchun zavodlarni yopayotgan bir paytda, boshqa mamlakatlar okean va havoga tonna-tonna chiqindilarni tashlamoqda;

◾️ BMT muammolarni yechmayapti, yangi muammolarni yaratyapti. Eng jiddiy muammo — noqonuniy migrasiya. BMT noqonuniy migrantlarni dunyoning boshqa burchaklaridan tinch mamlakatlarga kirishini moliyalashtirmoqda;

◾️ Qo‘shma Shtatlardagi noqonuniy migrantlarni hayvonlarga qiyoslash mumkin;

◾️ Men barcha davlatlarni biologik va yadro qurollarini ishlab chiqarishni to‘xtatishga chaqiraman. AQSh biologik qurollar ustidan xalqaro nazoratni boshqaradi;

◾️ Ukrainadagi mojaro AQShning avvalgi rahbariyati xatolari tufayli boshlangan;

◾️ AQSh Rossiyaga qarshi keskin bojlarni joriy etishga to‘liq tayyor, lekin bu bojlar samarali bo‘lishi uchun Yevropa mamlakatlari bizga qo‘shilishi kerak;

◾️ Yevropa Rossiyaga qarshi kurash olib borib, bir vaqtda uning energetik resurslarini xarid qilishda davom etolmaydi. Bu hiyonatdir;

◾️ NATO mamlakatlari Rossiyaning energetik resurslarini xarid qilishni to‘xtatishmadi, aslida ular o‘zlariga qarshi urushni moliyalashtirmoqda;

◾️ Yevropa yetakchilari bilan Rossiyaning energetik resurslari importini qisqartirish to‘g‘risidagi chaqiriqlarni muhokama qilaman;

◾️ Xitoy va Hindiston Rossiya bilan iqtisodiy hamkorliklari tufayli Ukraina mojarosining asosiy moliyalashtiruvchilari hisoblanadi;

◾️ Men BMTga AQShning hamkorlik qo‘lini uzatish uchun keldim. Biz birgalikda yanada xavfsiz va farovon dunyoni quramiz;

◾️ Men barcha masalada doimo haqman. Men voqealarni oldindan juda yaxshi ko‘ra olaman. Menda “Tramp hamma narsada haq”, deb yozilgan kepka bor.