EI "VK" (VK) company va "Max" messenjeri dasturchisi bo‘lgan "Kommunikasionnaya platforma"ni sanksiyalar ro‘yxatiga kiritdi. Bu haqda YEIning rasmiy jurnalida xabar berilgan.
Unda ko‘rsatilishicha, "VK" davlat tomonidan qo‘llab-quvvatlanadigan "Max" mobil ilovasining dasturchisi va operatori bo‘lmish "Kommunikasionnaya platforma" MCHJning bosh kompaniyasi hisoblanadi. YEI ekspertlarga tayanib ta’kidlashicha, "Max" "keng qamrovli kuzatuv funksiyalariga ega bo‘lib, kommunikasiyalarni, jumladan, VPN'dan foydalanishni kuzatishi, telefonlarga o‘rnatilgan boshqa ilovalar haqida ma’lumot to‘plashi, kontaktlar kitobini kuzatishi, foydalanuvchilarning joylashuvini aniqlashi va avtonom yangilanishlarni o‘rnatishi mumkin.
Qayd etilishicha, Rossiya rasmiylari tomonidan "Max" ilovasining joriy etilishi va targ‘ib qilinishi WhatsApp va Telegram kabi boshqa mustaqil ilovalarni bloklash, shuningdek, VPN'dan foydalanishni cheklash kampaniyasi bilan birga kechgan.
"Kommunikasionnaya platforma" fuqarolik jamiyati va demokratik muxolifatga qarshi qatag‘onlarda texnik yordam ko‘rsatmoqda deb hisoblanmoqda.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
