ЕИ "ВК" (VK) company ва "Max" мессенжери дастурчиси бўлган "Коммуникационная платформа"ни санкциялар рўйхатига киритди. Бу ҳақда ЕИнинг расмий журналида хабар берилган.
Унда кўрсатилишича, "ВК" давлат томонидан қўллаб-қувватланадиган "Max" мобил иловасининг дастурчиси ва оператори бўлмиш "Коммуникационная платформа" МЧЖнинг бош компанияси ҳисобланади. ЕИ экспертларга таяниб таъкидлашича, "Max" "кенг қамровли кузатув функцияларига эга бўлиб, коммуникацияларни, жумладан, VPN'дан фойдаланишни кузатиши, телефонларга ўрнатилган бошқа иловалар ҳақида маълумот тўплаши, контактлар китобини кузатиши, фойдаланувчиларнинг жойлашувини аниқлаши ва автоном янгиланишларни ўрнатиши мумкин.
Қайд этилишича, Россия расмийлари томонидан "Max" иловасининг жорий этилиши ва тарғиб қилиниши WhatsApp ва Telegram каби бошқа мустақил иловаларни блоклаш, шунингдек, VPN'дан фойдаланишни чеклаш кампанияси билан бирга кечган.
"Коммуникационная платформа" фуқаролик жамияти ва демократик мухолифатга қарши қатағонларда техник ёрдам кўрсатмоқда деб ҳисобланмоқда.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
