Evropa Ittifoqi tomonidan Ukrainaga ajratilgan 90 milliard yevrolik kredit mamlakatning barcha harbiy ehtiyojlarini qoplash uchun yetarli emas. Bu haqda Reuters xabar berdi.
Ma’lumotga ko‘ra, ushbu mablag‘ davlat xizmatlarida katta qisqartirishlarning oldini olishga yordam bergan bo‘lsa-da, Kiyevga joriy yilda harbiy xarajatlar uchun qo‘shimcha moliyalashtirish talab etilishi mumkin.
Ukraina prezidenti Vladimir Zelenskiy ham kredit va boshqa yordamlarga qaramay, qo‘shimcha mablag‘ zarurligini ta’kidlagan. Uning aytishicha, ajratilgan mablag‘ mamlakatda ishlab chiqarilayotgan qurol-yarog‘ning taxminan 60 foizinigina moliyalashtirish imkonini beradi.
Bryussel ham bu kredit Ukraina tashqi moliyaviy ehtiyojlarining eng ko‘pi bilan uchdan ikki qisminigina qoplashini tan olgan.
Mutaxassislar esa bu baholar haddan tashqari optimistik bo‘lishi mumkinligini bildirmoqda. Kiyevdagi Iqtisodiy strategiya markazi iqtisodchisi Maksim Samoylyuk fikricha, Ukraina yana harbiy xarajatlar prognozi oshirishga majbur bo‘lishi va qo‘shimcha mablag‘ izlashi mumkin.
Tehron Eron kemasini qo‘lga olganidan keyin AQSh harbiy kemalariga hujum qildi
Eron Isroil bilan aloqa qilganligi uchun yuqori lavozimli amaldorni qatl qildi
“Katta jarimalar bo‘ladi”: Soliq qo‘mitasi raisi umumiy ovqatlanish korxonalarini biznesni bo‘lmaslikka chaqirdi
