Rossiya Federasiyasining Estoniyadagi Muvaqqat ishlar vakili 19 mart, seshanba kuni Estoniya Tashqi ishlar vazirligiga chaqirildi. Diplomatga Rossiya elchixonasining diplomatik maqomga ega xodimi persona non grata deb e’lon qilingani haqida nota topshirildi, deb xabar beradi ERR.
Rossiya elchixonasi vakiliga «Tallin Rossiyaning Estoniya mustaqilligi va suverenitetiga qarshi harakatlariga toqat qilmoqchi emasligi va buni juda aniq bayon etishni zarur deb bilishi» ma’lum qilindi”, — deyiladi TIV matbuot xizmati xabarida.
«Rossiya razvedka xizmatlari tomonidan muvofiqlashtirilgan Estoniya Respublikasi xavfsizligiga qarshi gibrid operasiyalar to‘xtatilishi kerak», - deya qo‘shimcha qildi TIV.
2023 yil 11 yanvarda Estoniya Rossiyadan Tallindagi Rossiya elchixonasi xodimlari sonini qisqartirishni talab qildi.
Respublika Tashqi ishlar vazirligi bu yo‘l bilan Estoniyaning Moskvadagi elchixonasi xodimlari soni bilan tenglik ta’minlanishini ta’kidladi.
Rossiya bunga javoban 23 yanvar kuni Estoniya elchisini chaqirib, 7 fevralgacha Moskvani tark etishi so‘ralgan. Shu bilan birga, Rossiya Tallindagi elchisini ham chaqirib olishini e’lon qildi. 2023 yil fevral oyining boshida Estoniya elchisi Rossiyani, Rossiya elchisi esa Estoniyani tark etdi.
