Eronda bir haftadan beri internet yo‘q

Eronda bir haftadan beri internet to‘liq uzilib qoldi.

Bu haqda NetBlocks xalqaro monitoring xizmati xabar bergan.

Hisobotga ko‘ra, Eron hukumatining maqsadi xavfsizlik kuchlari tomonidan mamlakatdagi norozilik namoyishlarini bostirish uchun qo‘llanilgan usullarni xalqaro jamoatchilikdan yashirishdir.

Shuni ta’kidlash kerakki, ilgari internetda Eronda namoyishchilarga qarshi zo‘ravonlik ko‘rsatilgan videolavhalar tarqalgan edi. Huquqni muhofaza qilish organlari va namoyishchilar o‘rtasidagi to‘qnashuvlarda halok bo‘lganlarning aniq soni hali rasman e’lon qilinmagan.