Eron tashqi ishlar vaziri Muhammad Javod Zarif avgust oyining oxirida Yaponiyaga tashrif buyurishi mumkin, deb xabar bermoqda Yaponiyaning «Kyodo» nashri.
Nashrga ko‘ra, muzokaralarning asosiy mavzusi Hormuz bo‘g‘ozidagi vaziyat bo‘ladi. Shu tariqa Javod Zarif yaponiyalik hamkasblari orqali G‘arb mamlakatlari va Qo‘shma Shtatlarga Tehronning Hormuz bo‘g‘ozida koalisiya tuzishga qarshi bo‘lgan pozisiyasini yetkazishni niyat qilgan.
Eslatib o‘tamiz, 19 iyul kuni Eron hukumati Hormuz bo‘g‘ozida Britaniyaning Stena Impero neft tankerini hibsga olgan edi. Biroz o‘tib, Britaniya kabi Qo‘shma Shtatlar ham rasmiy Tehronning bu xatti-harakatlarini qoraladi. Keyinchalik AQSh davlat kotibi Mayk Pompeo Vashington Hormuz bo‘g‘ozini qo‘riqlaydigan koalisiya tashkil etishini bildirgan edi.