Eron Milliy Xavfsizlik Kengashi (MXK) kotibi Ali Akbar Ahmadian Sankt-Peterburgda bo‘lib o‘tadigan xavfsizlik masalalari bo‘yicha oliy vakillarning 12-xalqaro yig‘ilishida ishtirok etadi .
Bu haqda Eronning IRNA agentligi ma’lum qildi, deb yozadi «Report» .
Unga ko‘ra, Eron Xavfsizlik kengashi kotibi Rossiya Xavfsizlik kengashi kotibi Nikolay Patrushevning taklifiga binoan tadbirda ishtirok etadi.
Ma’lum qilinishicha, Ahmadian Sankt-Peterburgda Rossiya, Braziliya, Janubiy Afrika, Xitoy, Hindiston va Iroqdagi hamkasblari bilan alohida uchrashuvlar o‘tkazish niyatida.
Eslatib o‘tamiz, uchrashuv 23-25 aprel kunlari Sankt-Peterburgda bo‘lib o‘tadi.