Eronning Rossiyadagi elchisi Kozim Jaloliyning ma’lum qilishicha, Eron tomonidan raketa va uchuvchisiz uchish apparatlari bilan zarba berish xavfi tufayli AQSh avianoseslari hozirda Eron sohillaridan ancha uzoqda joylashgan.
Jaloliy bu haqda RIA Novosti agentligiga bergan intervyusida ma’lum qildi.
Uning so‘zlariga ko‘ra, Amerika harbiy kemalarining joylashuviga e’tibor qaratilsa, ular Eron hududiy suvlaridan uzoq masofada turganini ko‘rish mumkin.
Elchi avvalroq Eron AQShning Abraham Lincoln avianosesiga zarar yetkazgani va shu orqali Vashingtonga muayyan signal yuborganini eslatdi. Keyinchalik Eron harbiylari Amerika floti tomon raketalar va uchuvchisiz uchish apparatlari bir necha bor uchirilgani haqida xabar bergan.
«Agar xalqaro suvlardagi Amerika kemalarining joylashuviga nazar tashlasak, ular Eron sohillari va hududiy suvlaridan ancha uzoqda turganini ko‘rish mumkin», — dedi diplomat.
Jaloliyning fikricha, Vashington bu signalni, ehtimol, qabul qilgan. Uning ta’kidlashicha, kemalarning hozirgi holatini hisobga olganda, Eron tomonidan takroriy zarbalar berishga ehtiyoj bo‘lmasligi mumkin.
AQSh elchisi dunyo boshqaruvini yahudiylarga berish taklifi bilan chiqdi
Turkiya Isroilga javob zarbasini rejalashtirmoqdami?
Isroil sobiq bosh vaziri Netanyaxuni ogohlantirdi
