Ummon va Eron vakillari Hormuz bo‘g‘ozida kemalar harakati erkinligini ta’minlash tamoyillarini muhokama qilish uchun muzokaralar olib borishdi.
Bu haqda Ummon Tashqi ishlar vazirligi bayonotida aytilgan.
"Ummon Tashqi ishlar vaziri Badr al-Busaidiy va Eron Tashqi ishlar vaziri o‘rinbosari Kazem G‘aribobodiy o‘rtasidagi uchrashuvdan so‘ng, xalqaro huquqqa muvofiq Hormuz bo‘g‘ozi orqali kemalar harakati erkinligini tartibga soluvchi bir qator tamoyillarni muhokama qilish uchun Ummon va Eron delegasiyalarining kengaytirilgan uchrashuvi bo‘lib o‘tdi", deyiladi bayonotda.
Tomonlar kemalar harakati, savdo va ta’minot zanjirlari xavfsizligini ta’minlash zarurati haqida fikr almashdilar.
Ta’kidlanishicha, al-Busaidiy ilgari G‘aribobodiyni qabul qilgan va u Eron Tashqi ishlar vaziri Abbos Arag‘chining og‘zaki xabarini yetkazgan. Xabarda "Pokiston vositachiligida davom etayotgan Eron-AQSh muzokaralari" va "ikki mamlakatning Hormuz bo‘g‘ozi orqali kemalar harakati erkinligini xavfsiz va barqaror tarzda tiklash istagi" haqida so‘z boradi.
Maktablarda «So‘nggi qo‘ng‘iroq» tadbirlari qachon o‘tkazilishi ma’lum bo‘ldi
Prezidentning yangi qarori qabul qilindi
Eron 57 ta musulmon davlatidan iborat “Islom NATOsi” ni tuzishga chaqirdi
