Eron Hormuz bo‘g‘ozida ikkita tanker portlaganini ma’lum qildi

Islom inqilobi qo‘riqchilari korpusi (IIQK) navigasiya qoidalarini buzganidan so‘ng Hormuz bo‘g‘ozida ikkita tanker portlaganini e’lon qildi.

Bu haqda Tasnim axborot agentligi xabar berdi.

IIQK kemalar AQSh harbiylari tomonidan majburlanganidan keyin bo‘g‘ozning janubiy qismida xavfli yo‘nalishda harakatlanishga uringanini da’vo qildi. Portlashlar natijasida tankerlar sayohatlarini davom ettira olmadilar.

Bayonotda AQSh kuchlarining mintaqada mavjudligi "qonuniy kuchga ega emasligi" va Eron AQShning harakatlariga qarshi javob berish niyatida ekanligi ta’kidlangan.

Bundan tashqari, IIQK AQSh operasiyalari to‘xtamaguncha, Hormuz bo‘g‘ozi orqali o‘tadigan yo‘l neft, gaz va kimyoviy moddalar tashiydigan kemalar uchun xavfsiz deb hisoblanmasligi haqida ogohlantirdi.

"Agressiv armiya bu noqonuniy qoidabuzarlik uchun javob qaytarishga tayyor bo‘lishi kerak", deyiladi bayonotda.

Eslatib o‘tamiz, AQSh Markaziy qo‘mondonligi (CENTCOM) avvalroq Amerika kuchlari ketma-ket to‘qqizinchi kecha Eronga hujumlar uyushtirganini va ularning maqsadi Tehronning Hormuz bo‘g‘ozida savdo kemalariga tahdid solish qobiliyatini zaiflashtirish ekanligini ma’lum qilganini xabar qilgan edi.

O‘z navbatida, IIQK Vashingtonning harbiy bazalarini joylashtirgan AQSh va Yaqin Sharq davlatlarini Eron fuqarolik infratuzilmasiga hujumlar davom esa, "o‘ta qattiq jazo" bilan ogohlantirdi.