Eron tashqi ishlar vaziri Muhammad Javad Zarif Tehron Fors ko‘rfazi davlatlariga tajovuz qilmaslik to‘g‘risidagi bitimga imzo chekishni taklif qilganini ma’lum qildi.
“Al-Arabiya”ning xabar berishicha, bayonot Iroq tashqi ishlar vaziri Muhammad Ali al-Hakim bilan Bag‘doddagi uchrashuv natijalariga asosan e’lon qilingan. Diplomat shartnomaning boshqa tafsilotlarini oshkor qilmadi, ammo Qo‘shma Shtatlar mintaqadagi harbiy ishtirokini kuchaytirishga urinayotganligini ta’kidladi.