Eron deyarli barcha samolyotlar uchun o‘z havo hududini yopdi

Eron o‘z havo hududini avvalroq olingan ruxsatnoma asosida xalqaro reyslardan tashqari barcha samolyotlar uchun yopdi.

Bu haqda Eron Fuqaro aviasiyasi tashkiloti (NOTAM) e’lon qildi.

Cheklovlar chorshanba kuni Toshkent vaqti bilan soat 21:45 dan kuchga kirdi. Flightradar24 ma’lumotlariga ko‘ra, hozirda Eron havo hududida ikkita samolyot bor – Bangkok va Guanchjoudan Tehronga parvozlar.

Avvalroq Saudiya Arabistonining Al-Hadath telekanali Eron Iroq bilan chegaradosh hududlarda havo hududini yopganini xabar qilgan edi.

Avvalroq Reuters manbalarga tayanib xabar bergan ediki, mintaqadagi keskinlik kuchayib borayotgan bir paytda AQSh keyingi 24 soat ichida Eronga zarba berishi mumkin.