Eron AQShning iqtisodiy bosimiga tayyorlanmoqda

Eron hukumati AQShning kuchaytirilgan sanksiyalari va yangi cheklovlar joriy etilishiga oldindan tayyor edi va yuzaga kelishi mumkin bo‘lgan muammolarni bartaraf etish rejasini ishlab chiqdi.

Bu haqda Eron iqtisodiyot vaziri Seyid Ali Madanizod ma’lum qildi.

"Mamlakat hukumati AQSh sanksiyalariga qanday qarshi turishni oldindan rejalashtirgan va yangi cheklovlarga to‘liq tayyor", dedi Madanizod.

Uning so‘zlariga ko‘ra, hukumatning yuzaga kelishi mumkin bo‘lgan muammolarni hisobga oladigan ikki yillik iqtisodiy rivojlanish rejasi mavjud. Vazir Vashington "Eronning iqtisodiy arteriyalarini kesib tashlashga" urinish orqali o‘z maqsadlariga erisha olmasligini ta’kidladi.

Shu bilan birga, Madanizod urush sanoatga, xususan, metallurgiya zavodlariga salbiy ta’sir ko‘rsatganini ta’kidladi. "Biroq, biz ularni tikladik va mamlakatni himoya qilishda davom etamiz", deb qo‘shimcha qildi u.

Avvalroq AQSh prezidenti Donald Tramp Eronga qarshi "misli ko‘rilmagan iqtisodiy urush va izolyasiya" boshlanganini e’lon qilgan va Tehronni qo‘llab-quvvatlovchi davlatlar uchun jiddiy iqtisodiy oqibatlar haqida ogohlantirgan edi.