Erdo‘g‘on Turkiya terma jamoasiga tabrik yo‘lladi

Rajab Toyyib Erdo‘g‘on Turkiya terma jamoasini Yevro-2024 chorak finaliga chiqqani bilan tabrikladi.

Murabbiy Vinchenso Montella shogirdlari 1/8 finalda Avstriyani mag‘lub etishdi (2:1), keyingi bosqichda Niderlandiyaga qarshi bahs olib boradi.

“Evropa chempionatida Avstriyani mag‘lub etib, chorak finalga chiqqan futbol jamoamizni chin yurakdan tabriklayman.

Yigitlarimizga chempionlik yo‘lida muvaffaqiyatlar tilayman”, — deb yozadi 70 yoshli Turkiya prezidenti Erdo‘g‘on.