Erbil aeroporti yaqinida portlashlar sodir bo‘ldi

Iroqning Erbil xalqaro aeroporti yaqinida, shuningdek AQSh harbiy bazasi joylashgan hududda ketma-ket portlashlar eshitildi.

Anadolu agentligi ma’lumotiga ko‘ra, aeroport hududiga kamikadze-dronlar yordamida hujum uyushtirilgan.

Hujum paytida havo hujumidan mudofaa tizimlari ishga tushirilgan va bir necha portlash ovozlari qayd etilgan. Dastlabki ma’lumotlarga ko‘ra, dronlar PVO vositalari tomonidan yo‘q qilingan va hech qanday zarar yetmagan.

Hozircha voqea yuzasidan rasmiy bayonotlar berilmagan.