Endi semiz odamlarga AQSh vizasi berilmasligi mumkin

Washington Post'ning yozishicha, Tramp ma’muriyati qandli diabet, saraton va semizlik kabi kasalliklarni vizani rad etish uchun asos sifatida qo‘llash bo‘yicha ko‘rsatma bergan.

Davlat departamenti shu bilan birga nafaqaxo‘rlar, keksa ota-onalar yoki nogiron qarindoshlarini boqadiganlar uchun ham vizalarni cheklash g‘oyasini qo‘llab-quvvatlamoqda.

Rasmiylarga ko‘ra, bu qarorning asosiy sababi — bunday shaxslar uchun tibbiy parvarish xarajatlarining yuqoriligi.

Ammo jurnalistlar buni AQShga migrantlar kirishini yanada cheklashga qaratilgan navbatdagi qadam deb baholamoqda.