Amerikaning “Instagram” ijtimoiy tarmog‘i foydalanuvchilar posti ostidagi “layk”lar sonini yashirish tizimini sinov tariqasida ishga tushirdi. Ishlab chiqaruvchilar bu yangi tizim orqali foydalanuvchilarning “layk”lar soniga emas, matn kontentiga e’tibor berishlarini istashmoqda.
Yangi tizim sinov tariqasida ishlamoqda
Rossiyada “Instagram” foydalanuvchilari uchun “layk”larni berkitish tizimi yo‘lga qo‘yilgan. Ammo hozircha “yoqdi” tugmasi barcha foydalanuvchilarda ham berkitilganicha yo‘q.
“Instagram” ishlab chiqaruvchilarining aytishicha, “menga yoqdi” tugmasi post muallifigagina ko‘rinadi. Uning “podpischik”lariga esa ko‘rinmaydi.
Yangi tizim Avstraliya, Braziliya, Kanada, Irlandiya, Italiya, Yaponiya va Yangi Zelandiyada sinov tariqasida amalga oshiriladi. Aynan mazkur davlatlarda yangi tizim haqidagi ilk izohlar ijobiy bo‘lgan ekan.