“Elektron resept” tizimi bosqichma-bosqich joriy etiladi

Sog‘liqni saqlash vazirligi ma’lum qilishicha, Toshkent shahri hamda 15 ta tajriba-sinov tuman (shahar)lari hududida “Elektron resept” tizimi bosqichma-bosqich joriy etiladi.

Birinchi bosqichda tizimli ta’sirga ega antibiotiklar, sintetik antibakterial preparatlar hamda gormonal dori vositalari uchun elektron resept majburiy tarzda joriy etiladi.

Mazkur tizim dorilarni nazoratli va oqilona qo‘llash, shuningdek, o‘zboshimchalik bilan dori qabul qilishning oldini olishga qaratilgan.