Shanbaga o‘tar kechasi, soat 00:00 dan e’tiboran Yevropa Ittifoqining Belorussiya aviakompaniyalariga qarshi sanksiyalari kuchga kirdi. Ittifoq a’zolari ushbu jazo choralariga e’tiroz bildirmadi.
Sanksiyalar Ryanair aviakompaniyasiga qarashli samolyotning Minskka majburan qo‘ndirilishiga javob tariqasida joriy etildi. Shunday qilib, “Belaviya” va davlatga qarashli boshqa kompaniyalar samolyotlarining Yevropa Ittifoqiga a’zo davlatlar osmonidan uchib o‘tishi va aeroportlariga qo‘nishi taqiqlandi. Ayni paytda YEI davlatlari milliy aviakompaniyalarining Belorussiyaga uchishi mumkin emas.
Ryanair aviakompaniyasining Afinadan Vilnyusga uchayotgan samolyoti 23 may kuni Minskka shoshilinch ravishda qo‘ndirilgan edi. Samolyot bortidan belorussiyalik muxolifatchi Roman Protasevich va uning hamrohi, rossiyalik Sofya Sapega tushirib qoldirildi. Belorussiya hukumati samolyotning qo‘ndirilishini unda bomba o‘rnatilgani haqida xabar kelib tushgani bilan izohladi, biroq havo layneridan hech qanday bomba topilmadi.
Stoltenberg: “Agar Ukraina urushda yutqazsa..."
Amerikaliklar Putin nima uchun Shoyguni almashtirganini tushuntirdi
Armaniston shu yilning o‘zidayoq Yevropa Ittifoqiga kirishga tayyor
