ECHL yarim final javob uchrashuvlariga hakamlar tayinlandi

UYEFA Chempionlar ligasi yarim final bosqichidan o‘rin olgan javob o‘yinlarini boshqaradigan hakamlar nomini e’lon qildi.

«Arsenal» va «Atletiko» jamoalari o‘rtasidagi uchrashuvga (birinchi o‘yin – 1:1) germaniyalik Daniel Zibert bosh hakam etib tayinlandi. Unga qanotlarda ham vatandoshlari yordam berishadi. VAR tizimi uchun Bastian Dankert mas’ul etib belgilandi.

«Bavariya» – «PSJ» bahsini (birinchi o‘yin – 4:5) esa portugaliyalik Joau Pedru Pinyeyru boshqarib boradi. Uning butun brigadasi Portugaliya vakillaridan iborat, faqat VAR tizimida italiyalik Marko Di Bello ishlaydi.

«Arsenal» va «Atletiko» o‘rtasidagi o‘yin 5 may kuni, «Bavariya» hamda «PSJ» ishtirokidagi uchrashuv esa 6 may kuni bo‘lib o‘tadi.