Durov hibsga olinganidan keyin Telegram Fransiya rasmiylari bilan hamkorlik qila boshladi

Fransiyaning Liberation nashriga ko‘ra, sud Pavel Durovning Fransiyadan chiqib ketishini taqiqlash haqidagi qaroridan so‘ng uning Telegram'i huquqni muhofaza qilish organlari, xususan, milliy polisiya va jandarmeriyaning voyaga etmaganlar ishlari bo‘limi bilan hamkorlikda faollasha boshlagan. Masalan, Durov kompaniyasi voyaga etmaganlarga nisbatan jinoyat sodir etganlikda gumon qilingan shaxslarni aniqlashga yordam beradigan ma’lumotlarni taqdim etdi.

O‘z navbatida, Le Figaro nashri Durov Telegram'da moderasiyani kuchaytirishga va ayrim foydalanuvchilarni anonimlashtirishga rozi bo‘lganini yozadi. Bundan tashqari, Telegram boshqa mamlakatlardan kelgan so‘rovlarga javob berishda ancha tezlashdi. Ma’lumotlarga ko‘ra, Yevropa Ittifoqi davlatlaridan biri Telegram chati orqali so‘rovga javob olgan, uning ishtirokchilari buyurtma asosida qotilliklarni muhokama qilgan. Janubiy Koreya rasmiylari ham Telegram bilan aloqa o‘rnatganini tasdiqladi.