Dubaydagi Burj al-Arab mehmonxonasi vaqtincha yopiladi

"Burj al-Arab" mehmonxonasi o‘zining birinchi yirik ta’miridan o‘tadi.

BAA ramziga aylangan ushbu besh yulduzli hashamatli mehmonxona ochilganidan beri birinchi marta ta’mirlanadi. Ta’mirlash ishlari 18 oy davomida bosqichma-bosqich amalga oshiriladi.

Jumeirah Group bosh direktori Tomas Meyerning so‘zlariga ko‘ra, so‘nggi 27 yil ichida mehmonxona yuqori darajadagi xizmat ko‘rsatishni saqlab qoldi va dunyodagi eng yaxshi mehmonxonalar qatoridan joy oldi.

– Yangi ta’mirlash dasturi "Burj al-Arab" tarixida yana bir muhim bosqichni ochadi, – dedi u Gulf News nashriga.

Loyihaga fransuz me’mori Tristan Oer rahbarlik qilmoqda.