Donald Tramp NATOni tanqid qildi: “zaif va ishonchsiz hamkor”

AQSh prezidenti Donald Tramp NATOni “nihoyatda zaiflashgan va ishonchsiz hamkor” deb atadi.

Ushbu fikrni u o‘zining Truth Social sahifasida bildirgan.

Shuningdek, Tramp The New York Times nashrini NATO qisqartmasini noto‘g‘ri talqin qilgani uchun tanqid qildi. Uning ta’kidlashicha, gazeta alyans nomini “Shimoliy Atlantika shartnomasi tashkiloti” o‘rniga “Shimoliy Amerika shartnomasi tashkiloti” deb yozgan.

Tramp bu orqali ommaviy axborot vositalarini “soxta yangiliklar” tarqatishda ayblab, ularning ishonchga putur yetkazayotganini qayd etdi.