Дональд Трамп НАТОни танқид қилди: “заиф ва ишончсиз ҳамкор”

АҚШ президенти Дональд Трамп НАТОни “ниҳоятда заифлашган ва ишончсиз ҳамкор” деб атади.

Ушбу фикрни у ўзининг Truth Social саҳифасида билдирган.

Шунингдек, Трамп The New York Times нашрини НАТО қисқартмасини нотўғри талқин қилгани учун танқид қилди. Унинг таъкидлашича, газета альянс номини “Шимолий Атлантика шартномаси ташкилоти” ўрнига “Шимолий Америка шартномаси ташкилоти” деб ёзган.

Трамп бу орқали оммавий ахборот воситаларини “сохта янгиликлар” тарқатишда айблаб, уларнинг ишончга путур етказаётганини қайд этди.