"Manchester Yunayted"ning sobiq o‘yinchisi va "Inter Mayami" egasi Devid Bekxemning ismi kutilmaganda Fransiyaning "Nant" futbol klubini sotib olish bo‘yicha ehtimoliy ishtirokchilar orasida paydo bo‘ldi.
Bu haqda "Ouest-France" xabar bermoqda.
Manba ma’lumotlariga ko‘ra, yaqinda 2-Ligaga tushib ketgan "Nant" xo‘jayinlari klubni sotishni ko‘rib chiqishmoqda. Hozirda klubga uchta potensial xaridor da’vogarlik qilmoqda, takliflardan biri € 100 mln ga baholanmoqda. Shu bilan birga, nashrning ta’kidlashicha, Bekxemning ismi "muhokamalarda yana paydo bo‘lmoqda". Uning vakili ilgari mahalliy potensial investorlar tashabbuskor guruhi vakillari bilan uchrashgan va "Nant" bilan bog‘liq ehtimoliy loyihaga qiziqish bildirgan edi.
Bekxemning o‘zi futbolga investisiya kiritish bo‘yicha muvaffaqiyatli tajribaga ega. Uning boyligi € 1,36 mlrd ga baholanmoqda, "Inter Mayami" esa investisiyalar tufayli MLS'ning eng e’tiborli loyihalaridan biriga aylandi. Endi angliyalik mutaxassis Fransiyada ham futbol imperiyasini kengaytirish imkoniyatiga ega bo‘lishi mumkin.
O‘zbekistonlik jahon chempioni AQShga ko‘chib o‘tdi
OAV: Lamin Yamal sevgilisi bilan birga yashashni boshladi
O‘zbekiston qozog‘istonlik qizga pul o‘tkazib berdi
