Daniya AQSh sanksiyalari ostidagi Eron kemasini hibsga oldi

Daniya rasmiylari 18 fevral kuni o‘z bayrog‘ini Komor orollaridan Eron bayrog‘iga o‘zgartirgan Nora konteyner kemasini Kattegat bo‘g‘ozida hibsga oldi.

Bu haqda Daniya dengiz boshqarmasi ma’lum qildi.

Marine Traffic xabar berishicha, kema bir necha oy oldin qayta nomlangan va uning avvalgi nomi Cerus bo‘lgan. Konteyner kemasi AQSh Moliya vazirligining Eronga qarshi sanksiyalar ro‘yxatida. Kema Sankt-Peterburgdan suzib ketayotgan edi.

13 yanvar kuni kema Daniyaning Skagen shahridan o‘tib, Sankt-Peterburgga yo‘l oldi va u yerda geolokasiyani uzatishni to‘xtatdi. Joylashuv ma’lumotlari 16 yanvar kuni kema Boltiq dengizi orqali suzib ketayotgan paytda yana paydo bo‘ldi. 22 yanvar kuni konteyner kemasi Skagenning shimoliy qismiga yetib keldi, keyin Kattegat bo‘g‘oziga yo‘l oldi va u yerda 25 kun langar tashlab qo‘ydi.

Daniya rasmiylariga ko‘ra, kema noto‘g‘ri ro‘yxatdan o‘tgan. "Komor orollari Daniya dengiz boshqarmasiga kema ularning reestrida ro‘yxatdan o‘tmaganligi haqida xabar berishdi", deyiladi agentlik bayonotida. Konteyner kemasi Daniya rasmiylari ro‘yxatdan o‘tish sertifikatlarini olmaguncha hibsga olinadi.