Joriy yilning 25 fevral kuni soat 13:30 larda Uchtepa tumani, Chilonzor 21-mavze Katta Xirmontepa ko‘chasida, haydovchi N.R. boshqaruvidagi “Mercedes-Benz” rusumli 8-yo‘nalishda Sergeli-7 dan Chilonzor 25-mavzega harakatlanuvchi avtobus bekatda to‘xtab turgan vaqtida dvigatel qismining elektr simlari tutab yong‘in chiqqan. O‘t o‘chiruvchilar voqea joyiga o‘z vaqtida yetib kelib yong‘inni bartaraf etishgan.
Yong‘in natijasida tan jarohati olganlar yo‘q.
Hurmatli haydovchilar boshqaruvingizdagi transport vositasini texnik sozligini o‘z vaqtida nazorat qilishingizni so‘rab qolamiz. O‘zingiz va o‘zgalar hayotini xavf ostiga qo‘ymang.