Chexiyada suv tanqisligi e’lon qilindi

Chexiya Respublikasining markaziy qismidagi Vltava va Elba daryolarida uzoq davom etgan qurg‘oqchilik tufayli suv tanqisligi rejimi e’lon qilindi.

ČTK axborot agentligi xabar berishicha, bu qaror Markaziy Chexiya mintaqasining qurg‘oqchilikni nazorat qilish komissiyasi tomonidan qabul qilingan.

Suv tanqisligi tufayli rasmiylar Vltavadagi to‘g‘onlar orqali suv chiqarishni 2027 yil 30 aprelgacha kamaytirishga qaror qilishdi. Ushbu chora yirik Slapy va Orlik suv omborlarida suv sathining pasayishini sekinlashtirishi kutilmoqda.

Chexiya Respublikasidagi gidrologik vaziyat uzoq davom etgan issiqlik to‘lqini va bu yilgi qurg‘oqchilikning kuchayishi fonida noqulayligicha qolmoqda.