Чехияда сув танқислиги эълон қилинди

Чехия Республикасининг марказий қисмидаги Влтава ва Элба дарёларида узоқ давом этган қурғоқчилик туфайли сув танқислиги режими эълон қилинди.

ČTK ахборот агентлиги хабар беришича, бу қарор Марказий Чехия минтақасининг қурғоқчиликни назорат қилиш комиссияси томонидан қабул қилинган.

Сув танқислиги туфайли расмийлар Влтавадаги тўғонлар орқали сув чиқаришни 2027 йил 30 апрелгача камайтиришга қарор қилишди. Ушбу чора йирик Слапй ва Орлик сув омборларида сув сатҳининг пасайишини секинлаштириши кутилмоқда.

Чехия Республикасидаги гидрологик вазият узоқ давом этган иссиқлик тўлқини ва бу йилги қурғоқчиликнинг кучайиши фонида ноқулайлигича қолмоқда.