Londonning "Chelsi" klubi "Barselona" hujumchisi Pyer-Emerik Obameyangni o‘z safiga chorlamoqda.
Relevo nashrining xabariga ko‘ra, "aristokratlar" rahbariyati 33 yoshli gabonlik borasida kataloniyaliklarga 14 million yevrolik taklif bilan chiqqan, biroq "Barsa" uni rad etgan.
"Ko‘k-anorranglilar" amaldagi shartnomasi 2025 yilgacha mo‘ljallangan Obameyangni sotish orqali 25 million yevro ishlab olmoqchi.
Eslatib o‘tamiz, forvard o‘tgan mavsumning o‘rtasida "Arsenal" bilan shartnomasini bekor qilib, "Barsa" o‘yinchisiga aylangandi.