Yangi Zelandiyada ikki masjidda amalga oshirilgan teraktlardan keyin ilk bor juma namozi ado etildi. Juma azoni Yangi Zelandiya davlat televideniyesi va radiosi orqali to‘g‘ridan-to‘g‘ri efirga uzatildi.
Kraystchert shahridagi Xagley parkida o‘qilgan juma namoziga mamlakat bosh vaziri Jasinda Ardern ham keldi. U namozdan oldin qisqa nutq o‘qidi va nutqini hadis bilan boshladi: Muhammad payg‘ambar aytadilarki, Mo‘minlarning o‘zaro do‘stliklari, rahm qilishlari va mehr ko‘rsatishlari xuddi bir jasadga o‘xshaydi. Undagi bir a’zo xasta bo‘lsa, jasadning qolgani unga qo‘shilib bedor bo‘ladi va isitmalaydi . Yangi Zelandiya sizlar bilan. Motamdamiz, biz birmiz .
Terakt sodir bo‘lgan Al-Nur masjidi imom Jamol Fuda bosh vazirga va yangi zelandiyaliklarga musulmonlarni qo‘llab-quvvatlashgani uchun minnatdorchilik bildirdi. U terrorning rangi, dini va irqi yo‘qligini ta’kidladi:
Yangi Zelandiyani yengib bo‘lmasligini ko‘rsatdik. Dunyo bizda mehr va birlikning namunasini krishi mumkin. Yuragimiz parchalandi, lekin o‘zimiz parchalanmadik (engilmadik) .
Mamlakat bo‘ylab o‘tkazilgan xotira marosimlarida bosh vazirning chaqirig‘iga binoan musulmon bo‘lmagan ayollar ham bugun ro‘mol o‘radi.
