Boshlandi! AQSh Eronga hujum uyushtirdi

AQSh prezidenti Donald Trampning buyrug‘iga binoan Eronning raketa uchirishni boshqarish bo‘yicha kompyuter tizimlariga kiberhujum uyushtirilgan. Bu Eronning AQShga tegishli dronni urib tushirishiga javob bo‘ldi, deya yozadi The Washington Post (WP) gazetasi. 

Nashrning xabar berishicha, 21 iyunga o‘tar kechasi amalga oshirilgan bu hujumga aslida “oylab bo‘lmasa, haftalab” tayyorgarlik ko‘rilgan. Kiberhujum natijasida Erondagi tizimlar ishdan chiqqan. 

Bundan tashqari, Tramp Eronga hujum qilish haqidagi buyrug‘ini bekor qilmaganini, balki to‘xtatib turganini aytdi. 

“Men Eronga hujum qilish haqidagi buyrug‘imni ba’zilar yozganidek bekor qilganim yo‘q. Men uni shunchaki to‘xtatib qo‘ydim”, – deya yozdi AQSh prezidenti Tvitterda.