Boku shahrida 8 nafar o‘quvchi saqichdan zaharlandi

Ozarbayjonning poytaxti Boku shahridagi 14-sonli maktabda noxush holat ro‘y berdi — 8 nafar o‘quvchi saqich iste’mol qilgandan keyin zaharlanish alomatlari bilan shifoxonaga yetkazildi.

Ma’lumotlarga ko‘ra, o‘quvchilardan biri darsga kelayotganda maktab yaqinidagi do‘kondan saqich xarid qilib, uni sinfdoshlariga tarqatgan. Bir necha daqiqadan so‘ng bolalarning ahvoli yomonlashgan va ko‘ngil aynishi kuzatilgan.

Maktab ma’muriyati tez yordam chaqirgan, hozirda o‘quvchilar shifokorlar nazoratida.