BMT Mahmud Abbosga videomurojaat yo‘llashga ruxsat berdi

19 sentyabr kuni BMT Bosh Assambleyasi Falastin Prezidenti Mahmud Abbosga dunyo yetakchilari yig‘ilishida videomurojaat orqali so‘zlash huquqini berishga ovoz berdi. Bu qaror AQSh uni Nyu-Yorkka viza bilan ta’minlashdan bosh tortgandan keyin qabul qilindi.

Rezolyusiya 145 davlatning qo‘llab-quvvatlovi bilan qabul qilindi. Hujjatga ko‘ra, Abbos va boshqa falastinlik rasmiylar vizasi bo‘lmasa, kelgusi bir yil davomida BMT tadbirlarida onlayn qatnashish huquqiga ega bo‘ladi.

AQSh bunga qarshi chiqdi va Falastin ma’muriyatini tinchlik kelishuvlariga amal qilmayotganlikda aybladi.

Shuningdek, Abbos 22 sentyabrda ikki davlatli yechimni qo‘llab-quvvatlash sammitida ham videomurojaat yo‘llashi mumkin.