Shanba oqshomida Berlin shahrining Tirgarten hududida, Potsdam maydoni yaqinida ikki kunlik LGBT-parad yakunlanayotgan bir vaqtda odamlar gavjum bo‘lgan joyga oq rangli furgon bostirib kirdi.
Hodisa oqibatida bir kishi halok bo‘ldi, kamida 16 kishi jarohatlandi. Ba’zilarning ahvoli og‘ir va hayoti xavf ostida qolmoqda.
Polisiya sodir bo‘lgan voqeani terrorchilik harakati deb baholadi va gumonlanuvchining suratini e’lon qildi. U 21 yoshli Abdul B. bo‘lib, hali qo‘lga olinmagan. Berlin polisiyasi "Christopher Street Day" tadbiri vaqtida odamlarni bosib ketganlikda gumonlanayotgan shaxsni qidirishda aholidan yordam so‘radi. Huquq-tartibot organlari ma’lumotlariga ko‘ra, gumonlanuvchi ozg‘in gavdali, bo‘yi taxminan 190 sm bo‘lib, qora xudi hamda oq shim kiygan bo‘lishi mumkin.
Polisiya ma’lumotlariga ko‘ra, gumonlanuvchi "Berlinning aqidaparastlik g‘oyalaridagi qatlamlariga mansub" deb ko‘rilmoqda.
DPA va Die Welt nashrlarining yozishicha, u muqaddam voyaga yetmaganlar uchun mo‘ljallangan muassasada jazo o‘tagan hamda 2026 yilning may oyida ozodlikka chiqqan.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
