Belorusiyada ommaviy namoyishlar paytida kuniga mingdan ortiq odam hibsga olindi.
Bu haqda mamlakat Ichki ishlar vazirligi xabar berdi.
Unga ko‘ra, uch kunlik norozilik namoyishlari davomida hibsga olinganlarning umumiy soni allaqachon 6 ming kishidan oshgan.
Eslatib o‘tamiz, avvalroq Minsk hukumati tartibsizliklardan yetkazilgan zarar 200 ming dollardan oshishi mumkinligini ma’lum qilgan edi.
Shu bilan birga, Belorusiyada huquq-tartibot idoralari xodimlariga qilingan hujumlar bo‘yicha kamida 17 ta jinoiy ish qo‘zg‘atilgan.