«Yigitlar, biz sizlar bilan faxrlanamiz. O‘rnimizdan turamiz va olg‘a qarab yurishda davom etamiz. Oldinda bizni yorqin kelajak va 2026 yilda uyga qaytib kelish kutmoqda», – deb yozgan Bayden o‘zining ijtimoiy tarmoqdagi sahifasida.
Kuni kecha Qatarda bo‘lib o‘tayotgan JCH-2022 musobaqalarining 1/8 final bosqichida AQSh terma jamoasi niderlandiyaliklarga 1:3 hisobida yutqazib, turnirni tark etdi. Niderlandiya terma jamoasi endi chorak finalda Argentina bilan uchrashadi.
2026 yilda AQSh Kanada va Meksika bilan birgalikda futbol bo‘yicha navbatdagi Jahon chempionatiga mezbonlik qiladi.