"Bavariya" stadioni nomini afsona sharafiga o‘zgartiradi

Germaniyaning "Bavariya" klubi shahar meriyasi bilan birgalikda stadion nomini klub afsonasi Frans Bekkenbauer xotirasiga o‘zgartirishga qaror qildi.

Uy stadionining hozirgi nomi – "Alyans Arena".

Myunxen shahar kengashi stadion nomini o‘zgartirish g‘oyasini ma’qulladi. Yaqin kunlarda klub arena nomi o‘zgarganini rasman e’lon qiladi.

"U shahrimizdan yetishib chiqqan buyuk sportchilardan biri", – dedi Myunxen meri Diter Rayter.

Nemis klubi kuni kecha Chempionlar Ligasining 1-turida Zagrebning "Dinamo" jamoasini 9:2 hisobida mag‘lub etgandi. "Qizillar" navbatdagi o‘yinini 21 sentyabr kuni Bundesliga doirasida "Verder"ga qarshi o‘tkazishadi.