«Barselona» tarbiyalanuvchisi «Real»ni boshqarishi mumkin

«Komo» ustozi Sesk Fabregas «Real»ning yangi bosh murabbiyiga aylanishi mumkin. Bu haqda El Desmarque jurnalisti Xorxe Pikon ma’lum qildi.

Uning ta’kidlashicha, madridliklar yosh mutaxassisni jamoaning yangi bosh murabbiyi sifatida ko‘rib chiqmoqdalar.

Pikonning fikriga ko‘ra, Fabregasning Italiyadagi faoliyati «qaymoqranglilar» rahbariyatida katta taassurot qoldirgan.

Fabregas 38 yoshda, u ilgari «Barselona» safida to‘p surgan va kataloniyaliklar bilan 2012/13 yilgi mavsumda La Ligada g‘olib chiqqan. Sesk — Kataloniya klubi tarbiyalanuvchisi hisoblanadi. Hozirda ispaniyalik mutaxassis qo‘l ostidagi «Komo» A Seriya turnir jadvalida beshinchi o‘rinni egallab turibdi.