Ayrim hududlarda bir martalik plastik taqiqlanishi mumkin

Oliy Majlis Qonunchilik palatasida ekologik toza hududlar maqomini belgilash va plastik mahsulotlar muomalasini tartibga solishga oid qonun loyihasi birinchi o‘qishda ko‘rib chiqildi.

Loyihaga ko‘ra, toza hududlarda ekologik barqarorlikka zarar yetkazuvchi faoliyatlar hamda tabiiy organik polimerlardan tashqari bir martalik plastik mahsulotlar muomalasi cheklanadi.

Shuningdek, polietilen paketlarning atrof-muhitga salbiy ta’sirini kamaytirish bo‘yicha talablar joriy etiladi.