Tayvanning kompyuter va elektronika ishlab chiqaruvchi mashhur kompaniyasi asoschilari o‘zlarining kompaniyasini afsonaviy qanotli ot - Pegas nomi bilan nomlamoqchi bo‘lishadi. Inglizchada bu ot "Pegasus" deyiladi. Ular o‘ylab ko‘rib, Pegasus so‘zining boshidan 3 ta harfni olib tashlashadi va ASUS nomli kompaniyani ro‘yxatdan o‘tkazishadi. Ular kompaniya nomi alifboning bosh harfi bilan boshlansa, telefon spravochniklarida ro‘yxatning boshida turishini ham o‘ylab chiqishgan.